1995ean, Juanra Ollo eta Agurtzane Jimenez beren herria den Irunberri / Lumbier-en upategi bat sortu zuten, Nafarroako ardogintza ekologikoaren aitzindarietako bat bihurtuz.

Nahiz eta Plinio Zaharraren esanetan, Irunberri / Lumbier Ka I. mendeaz geroztik mahastizaintzari lotutako herria izan, laborantza mota honek beherakada oso nabarmena jasan zuen XX. mendean.

2013an, langabezian egon eta gero, Ana eta Iñakik beraien jaioterria den Baztan bailaran bizitzea eta lan egitea erabaki zuten.

90reko hamarkadaren hasieran, lau Llorens anaiek beren aita eta aitonaren, eta Bargota herriaren ardogintza tradizioarekin jarraitzea erabaki zuten. Horrela sortu zuten Biurko Gorri upategia.

Mahastizainen familietakoak izan arren Itxasok eta Gorkak mahastietatik urruneko bideak hartu zituzten gaztetan. Izan ere 2009an Itxasoren aita minbiziz gaixotu zenean Bartzelonan bizi ziren. Itxaso zinema ikasketak amaitzen ari zen eta Gorka informatikaria zen. Aita hiltzean bizitzaren aldeko apostua egin zuten eta mahastiei segida hartzea erabaki zuten. Hasieratik argi izan zuten aita hiltzea leporatzen zieten kimikoak ez zituztela erabiliko eta nekazaritza ekologikoan ari dira ordutik.

Espila Behe-Nafarroako baserri zaharra da, 1763an sortua, eta Azkaraten kokatua. Bertan, 2004an, Paul Karrikaburuk familiako nekazal-ustiategia berreskuratu zuen.

1936an Luis Gilek eta Jose Luis Berzalek kalitate handiko ardoak egiten zituzten. Haien pasioa seme-alabei pasa zieten eta ez da kasualitatea Jose Luis Gil eta Gloria Berzal mahastietan elkar ezagutu izana. Urte batzutara ezkondu eta Bodega Gil Berzal sortu zuten. 2009an Jose Luis eta Gloriaren semeak Saulek eta Benjaminek segida hartu zuten ordurarte eramandako mahastien errespetuzko zaintza areagotuz.

Artzain baten biloba eta nekazari baten semea izanik Ikerrek txikitatik ezagutu zuen zer zen lan gogorra egitea, elementuei so egitea eta naturatik ikastea zer den. Jakinmin horrekin Ingurugiro Zientziak egin zituen Gasteizeko unibertsitatean eta Europako hainbat lekutan prestakuntza teorikoa eta praktikoa jaso zuen.

Lezaun familiako ardoaren ezagutza eta kultura belaunaldiz belaunaldi transmititu da, gutxienez 1790 urteaz geroztik, upategia deskribatzen duten lehen dokumentuak kontuan hartuta.

Ibero familiak mendeetako tradizioa jaso du Oibar / Aibarren, mahasti zereal eta lehorreko fruta-arbolen ekoizpena nahasten diren lekuan.

1998an, Iker eta Asier Ulibarri anaiek Isuskiza baserria berreraikitzea erabaki zuten, beraien latxa ardiek urte askotan zehar bazkatu zuten inguru berberan.

2008an Luisja Oregik Beizaman kokatutako Urkizahar baserri zaharra berreskuratu zuen eta bere inguruan Hondarribi Zuria eta Chardonnay mahatseko 2,5 hektarea landatu zituen bi lursailetan banatuta, bata hegoaldera begira eta bestea Ibai Eder urtegiaren gainean, Beizama udalerrian.